دہشتگردوں کا ایران کی مشرقی سرحد پر حملہ، دو مقامی مزدور شہید

خبر رساں ادارے تسنیم کے مطابق سپاہ پاسداران انقلاب اسلامی کے قدس بریگیڈ کے تعلقات عامہ نے بتایا ہے کہ گزشتہ عصر کو عالمی استکبار اور غیروں کی انٹیلی جنس ایجنسیوں سے وابستہ دہشتگرد گروہ نے پاکستانی سرزمین سے ایران کے علاقے سراوان میں حملہ کرکے دو مقامی مزدوروں کو شہید کردیا ہے۔

اس رپورذٹ کے مطابق سپاہ پاسداران انقلاب اسلامی نے دہشتگردوں کو منہ توڑ جواب دیتے ہوئے ایک دہشتگرد کو ہلاک اور دو کو زخمی کردیا۔

اس رپورٹ میں دہشتگردوں کی پاکستانی سرزمین کی جانب فرار کی طرف اشارہ کرتے ہوئے بتایا گیا ہے کہ اس دہشتگرد کارروائی میں دو مقامی مزدوروں کی شہادت ہوئی جو اپنے کام میں مصروف تھے۔