اسلامی نظام؛ توحید، شریعت الہی، انصاف اورآزادی پر مشتمل ہے، دنیا میں رائج حکومتوں میں اس کی مثال نہیں ملتی، امام خامنہ ای

تسنیم خبررساں ادارے کی رپورٹ کے مطابق امام خامنہ ای نے ملک کے اعلیٰ حکام اور مسئولین کے ایک اجتماع سے خطاب کرتے ہوئے فرمایا اسلامی جمہوری نظام، توحید، شریعت الہی، انصاف، آزادی اور خود مختاری جیسی اہم امنگوں کی بنیادوں اور اہداف پر مشتمل ہے لہذا یہ نظام آج کی دنیا میں رائج حکومتوں سے مختلف ہے۔

امام خامنہ ای نے اعلی حکام سے اپنے خطاب میں ماہ رجب المرجب اور اعیاد رجبیہ کی مناسبت سے مبارکباد پیش کرتے ہوئے فرمایا ان ایام میں خدا کی عبادت اور توسل کا بہترین موقع ہے، انسان کو چاہئے کہ تقوا اختیار کرتےہوئے گناہوں سے اجتناب کیاجائے۔

امام خامنہ ای نے مزید فرمایا کہ مشکلات کے حل کی کنجی دعا و نیائش، یاد خدا اور قلوب کی اصلاح ہے اور ماہ رجب میں ان لوگوں کے لئے بہترین موقع ہے جو اپنے قلوب کی اصلاح کرنا چـاہتے ہیں۔

  رہبر معظم نے غفلت اور تدریجی انحطاط سے بچنے پر تاکید کرتےہوئے فرمایا کہ اسلامی جمہوریہ ایران میں ہم سبھی عہدیداروں کو اپنے قلب کی تعمیر کی ضرورت ہے کیونکہ اسلامی جمہوری نظام، توحید، شریعت الہی، انصاف، آزادی اور خود مختاری جیسی اہم امنگوں کی بنیادوں اور اہداف پر مشتمل ہے اور آج کی دنیا میں رائج حکومتوں سے یہ اسلامی جمہوری نظام، مختلف ہے۔

امام علی خامنہ ای نے ملک کی معاشی بنیاد کے طور پر صنعت و تجارت کے لئے مناسب ماحول کی فراہمی کی ضرورت پر زور دیتے ہوئے فرمایا کہ اس فریضے کی انجام دہی کی ذمہ داری استقامتی معیشت کے لئے بنائے گئے بورڈ اور ادارے کی ہے اور اس ادارے کی ذمہ داری ہے کہ مشکلات کا حل تلاش کرے۔

  رہبر انقلاب اسلامی نے داخلی سطح پر سوشل میڈیا کے قیام کے بارے میں عوامی مطالبات میں اضافے پر مسرت کا اظہار کرتے ہوئے فرمایا کہ حکام کو چاہئے کہ وہ ملک اور عوام کی حدود و پرائیویسی کا پورا خیال رکھیں اور عوام کی ذاتی زندگیوں میں مداخلت، شرعی طور پر حرام ہے اور ایسا ہرگز نہیں ہونا چاہئے۔

آپ نے فرمایا کہ حکام اور عدلیہ کے عہدیداروں کو چاہئے کہ وہ  ایسا سسٹم تیار کریں کہ عوام کی ذاتی زندگی سے متعلق معلومات اور ان کے راز محفوط رہیں