آرمی چیف سے سعودی ولی عہد کی ملاقات، علاقائی سلامتی کے امور پر تبادلہ خیال
آرمی چیف جنرل قمر جاوید باجوہ سے سعودی ولی عہد شہزادہ محمد بن سلمان نے ملاقات کی جس میں علاقائی سلامتی اور باہمی دلچسپی کے امور پر تبادلہ خیال کیا گیا۔
خبررساں تسنیم ادارے کے مطابق آرمی چیف جنرل قمر جاوید باجوہ سے سعودی ولی عہد نے منیٰ میں ملاقات کی اور جنرل قمر جاوید باجوہ کو گزشتہ رات عشائیہ بھی دیا۔
پاک فوج کے شعبہ تعلقات عامہ کے سربراہ کے مطابق سعودی ولی عہد نے جنرل قمر جاوید باجوہ کو حج کی ادائیگی پر مبارکباد پیش کی۔
اس موقع پر دونوں شخصیات کے درمیان علاقائی سلامتی اور باہمی دلچسپی کے امور پر بھی تبادلہ خیال کیا گیا۔
سعودی ولی عہد نے پاکستان کی نئی حکومت کے لیے نیک خواہشات کا اظہار کیا اور حمایت کا یقین دلایا۔
شہزادہ محمد بن سلمان کا درپیش چیلنجز سے نمٹنے میں پاکستان کی کامیابی کی خواہش کا اظہار بھی کیا۔
آرمی چیف نے پاکستان کے لیے نیک خواہشات کے اظہار اور حکومت کی حمایت پر سعودی ولی عہد کا شکریہ ادا کیا۔
