غزہ میں تیل کی عدم فراہمی سے بجلی منقطع، عوام شدید مشکلات کا شکار
اسرائیل کی جانب سے غزہ کو ملنے والی تیل کی سپلائی میں کمی کے باعث توانائی کا بحران پیدا ہوگیا ہے۔
تسنیم خبررساں ادارے کی رپورٹ کے مطابق، غزہ کی پٹی کو بجلی فراہم کرنے والی کمپنی کے ذمہ دار محمد ثابت کے مطابق پٹی کے کئی علاقوں میں بجلی کی فراہمی منقطع کردی گئی ہے، جس کی وجہ پاور اسٹیشن کے پلانٹ کو ملنے والے تیل کی بندش ہے۔
اسرائیلی وزیراعظم بنیامن نیتن یاہو نے انتقامی کارروائی کرتے ہوئے غزہ کی پٹی کو مہیا کیے جانے والے ایندھن میں کمی کرتے ہوئےنصف کر دی۔
ایندھن کی کمی سے غزہ میں توانائی کی فراہمی بری طرح متاثر ہوگئی ہے۔
