حق نمک یزید کا کیا خوب ادا کیا

تسنیم خبر رساں ادارے کی رپورٹ کے مطابق غاصب صیہونی ریاست اسرائیل کے اعلیٰ عہدیداروں کا وفد اگلے کچھ دنوں میں متحدہ عرب امارات کا دورہ کر رہا ہے۔ صیہونی ریاست کے روزنامے روزنامے دی ہیرٹز نے بھی خبر دی ہے کہ یہ وفد ابو ظہبی اور تل ابیب کے درمیان امن سمجھوتے کی تفصیلات پر بات چیت کرے گا۔

 امریکہ اور اسرائیل انتظامیہ بحرین اور عمان جیسے دیگر خلیجی ممالک کے ساتھ بھی تل ابیب کے ساتھ سفارتی تعلق کی بحالی کے بارے میں مذاکرات کر رہی ہیں۔

اگرچہ بحرین اور عمان نے متحدہ عرب امارات اور اسرائیل کے درمیان امن سمجھوتے کے ساتھ کھلے تعاون کا اظہار کیا تھا تاہم دونوں ملکوں کی طرف سے تاحال اسرائیل کے ساتھ سفارتی تعلقات کے بارے میں کوئی بیان جاری نہیں کیا گیا۔

یاد رہے امریکی صدر ڈونلڈ ٹرمپ نے 13 اگست بروز جمعرات کو اپنے جاری کردہ بیان میں اسرائیل اور متحدہ عرب امارات کے درمیان امن سمجھوتہ طے پانے کا اعلان کیا تھا۔ اسرائیل کے وزیر اعظم بنیامین نیتان یاہو نے بھی ٹرمپ کے بیان سے اکتساب لے کر کہا تھا کہ " یہ ایک تاریخی دن ہے"۔

متحدہ عرب امارات کی خبر رساں ایجنسی WAM نے بھی اپنی خبر میں اسرائیل کو رسمی طور پر تسلیم کرنے کا اعلان کرتے ہوئے کہا تھا کہ اسرائیل اور متحدہ عرب امارات کے درمیان تعلقات کے فروغ کے لئے ایک مشترکہ لائحہ عمل کی تشکیل کے معاملے میں اتفاق رائے ہو گیا ہے اور دونوں ممالک سے حکام آئندہ دنوں میں ملاقاتیں کریں گے اور مختلف شعبوں میں سمجھوتوں پر دستخط کریں گے۔

واضح رہے کہ متحدہ امارات، 1979 میں مصر کے اور 1994 میں اردن کے بعد اسرائیل کے ساتھ امن سمجھوتہ کرنے والا تیسرا عرب ملک ہے۔